فكرة الورشة الأساسية إننا نستخدم الرقص في تحقيق هدف إننا ننزل وزن. • ليه الرقص تحديدا ؟ لأن الرقص فيه شئ مختلف - رياضة بسيطة ومبهجة في نفس الوقت. الرياضة بشكل عام بتحسن من عملية "الأيض" عملية حرق الدهون.. وساعة رقص واحدة بتحرق من 350 ل 500 سعر حراري تقريبا " وده معدل متزن لحرق الدهون " ده غير ان الرقص بيساهم في تحريك جميع أجزاء وعضلات الجسم فالبتالي هيساعدنا في الحصول علي جسم مشدود ومتناسق. ومن الجدير بالذكر ان ممارسة رياضة الرقص ليها تأثيرات إيجابية علي المدي البعيد زي : تصفية الذهن وتحسين الحالات المزاجية السيئة زي القلق والإكتئاب والتوتر اللي بتتسبب في الشعور بالتعب وتقليل النشاط الذهني والبدني. ده غير تنشيط الدورة الدموية وتقوية عضلة القلب وزيادة نشاط الجهاز المناعي اللي بيساعد في علاج الكتير من الأمراض. • ازاي الورشة بتستخدم الرقص كرياضة ؟ أولا هنهئ الجسم للحركة بمرونة أكثر من خلال تمارين اللياقة والإحماء وبعد ما نتعرف علي قدرات أجسامنا " بنقدر نعمل ايه فنطوره.. وما بنقدرش نعمل ايه ونعالجه"..إكتساب الجسم للمرونة واللياقة هيساعدنا نتحرك بشكل مختلف وبمجهود أعلي وبالتالي نتائج أسرع وأفضل. ثانيا هنشتغل علي تمارين مجموعات العضلات الرئيسية زي " الساقين، الظهر، البطن، الصدر، والأكتاف...." لأن نسبة عضلات أعلي مقارنة إلي نسبة الدهون في الجسم بتسرع من عملية الحرق " ثالثا هنتدرب علي الخطوات الأساسية لكل نوع رقص زي "الهندي، الإفريقي، الشرقي، واللاتن..." اللي هتكون سهلة بعد ما الجسم أصبح مرن أكتر وهنأديها باحترافية أفضل مع المزيكا وبمجهود أعلي. والنتيجة اللي هنوصلها حالة نفسية أفضل، نشاط وظائف الجسم، وزن أقل بوسيلة طبيعية، خطوات رقص جديدة اتعلمناها، جسم مرن، متناسق ومشدود .
Starts : 17-02-2018
Ends: 24-02-2018
